Qalaktikalar milyardlarla ulduzdan ibarətdir. (Bunu unutmayın: Ulduzlar Günəş kimi böyük göy cisimləridir. Məsələn, Yer kürəsi və ya Ay ulduz deyil, yalnız planetdir.) Ən böyük qalaktikadakı ulduz sayı təxminən 3 trilyondur. Orta böyüklükdəki bir qalaktikada təxminən 200-300 milyard, kiçik bir qalaktikada isə təxminən 100 milyard ulduz var.
Samanyolu Yer kürəsinin mövcud olduğu qalaktikanın adıdır. Samanyolu qalaktikası çox böyükdür. Əlbəttə ki, bütün böyük qalaktikalarda olduğu kimi Samanyolunun da bir qalaktika mərkəzi vardır. Xatırlasanız, qalaktikalar hissəsində qalaktika mərkəzinin nə olduğundan bəhs etmişdik. Bu mərkəzdə olan ulduzlar daha yaşlı, qırmızı və sarı olan ulduzlardır. Qalaktikanın qollarında isə daha yüksək temperaturlu, gənc və mavi ulduzlar yerləşir. Bundan başqa, bu qollarda qaz və toz buludları da vardır.
Ulduzlar və planetlər kosmosdakı "Nebula (dumanlıq)" adlanan qaz və toz yığınlarının bir yerə gəlib sıxışması ilə meydana gəlirlər. Göy cisimlərinin mənbəyi olan nebulalar bu səbəbdən kainatda olduqca əhəmiyyətli yerə sahibdir. Nebulaların ulduzlar kimi öz işıqları yoxdur. Buna görə də, onları görmək çox çətindir. Ancaq içlərindəki qaz parıldadıqda ulduzlardan gələn işığı əks etdirir və ya işığın mənbəyinin qarşısına keçəndə görünürlər.
Günəş sistemimiz, Günəş, doqquz planet və bu planetlərin altmış bir ədəd peykindən ibarətdir. Bu planetlərin arasındakı boşluqda bir çox quyruqlu ulduz və meteorit olur. Bütün bu göy cisimlərinin ən böyüyü olan Günəş isə bütün Günəş sisteminin ürəyidir.
