Sərxan şən və çox ağıllı uşaq idi. Quşlara marağı olan Sərxan onları yaxından tanımaq istəyirdi. Evində quş saxlayanda da çox keçmədən onları sərbəst buraxırdı. Quşların azad olması Sərxanı çox sevindirirdi. Bahar ayları idi. Sərxan havada sürü şəklində uçan uzun ayaqlı quşlar gördü və dərhal evin damına çıxaraq onlara yaxından baxmaq istədi. Dama çıxanda bu quşlardan ikisinin evlərinin bacasına qonduğunu gördü və çox sevindi. Əlini yelləyərək onları səslədi.

Sərxan: Salam, sevimli quşlar, mən Sərxanam, sizinlə tanış ola bilərəm?

Leylək: Salam, Sərxan! Ümid edirəm ki, bura qonaraq sizi narahat etmədik. Biz də səninlə tanış olub danışmağı çox istəyirik.

Sərxan: Mən bütün quşları çox sevirəm. Sizi tanımaq üçün mənə bir az özünüzdən danışa bilərsiniz?

Leylək: Əlbəttə! Biz leyləklər, 1-1, 5 m. boylarında, böyük ağ qanadları, uzun qara quyruqları olan köçəri quşlarıq. Dimdiklərimizin və uzun ayaqlarımızın qırmızı olması bizi digərlərindən fərqləndirir.

Sərxan: Həqiqətən, çox gözəl quşlarsınız!

Leylək: İnsanların ən çox diqqətini çəkən xüsusiyyətimiz isə uçuş fərqimizdir. Dimdiklərimizi irəli, ayaqlarımızı geriyə doğru uzadaraq uçuruq. Bu estetik uçuş formamız bizə havanı yararaq daha sürətli uçmağımıza imkan verir.

Sərxan: Yaxşı, havanın isindiyini necə bilirsiniz?

Leylək: Çox gözəl sualdır. Bunun səbəbi, əlbəttə ki, Allah`ın bunu bizə öyrətməsidir. Hamımız eyni anda isti ölkələrə köçməli olduğumuzu bilirik, Allah bunu bizə hiss etdirir. Köç etdiyimiz yolları göstərən və yenə bahar gələndə minlərlə kilometr yolu geri qayıdıb köhnə yuvalarımızı tapmağımıza kömək edən yalnız Allah`dır.

Sərxan: Həqiqətən də, o qədər uzaq məsafələri gedib sonra geri qayıtmağınız və sanki əlinizdə kompas varmış kimi, köhnə yuvalarınızı heç unutmadan tapmağınız doğrudan da çox maraqlıdır.

Leylək: Təbii ki, bu cür güclü yaddaş və belə möhtəşəm istiqamət tapma hissi Allah`ın üstün yaratması sayəsində mümkün olur.

Sərxan: Siz insana yaxın olan yerdə yaşayırsınız, elə deyilmi?

Leylək: Bəli, yuvalarımızı insanların yaşadıqları evlərin damlarında qururuq. Bundan başqa, yuvalarımızı ağacların, pəncərələrin üstündə də qururuq ...

Biz yolumuza davam eməliyik, Sərxan.

Allah quşlarla bağlı olan bir ayəsində belə buyurur:

"Yer üzündə heç bir canlı və iki qanadı ilə uçan heç bir quş yoxdur ki, sizin kimi ümmətlər olmasın. Biz Kitabda heç bir şeyi nöqsan buraxmadıq, sonra onlar Rəblərinin hüzuruna toplanacaqlar." (Ənam surəsi, 38)