Dünyamızdakı fəsillər 23.5 dərəcəlik meyillilikdən qaynaqlanır. Dünyamız orbitinə görə yüngül meyilli bir mövqedə dayanır. Bu da yaz, yaz, payız və qış adlandırdığımız 4 fəsilin meydana gəlməsinin tək səbəbidir.

Əgər Allah istəsəydi, Dünyamız düz olardı. Amma Dünya orbitində tam düz olsaydı, heç bir fəsil olmazdı və dünyanın hər yerində temperatur sabit olardı. Nəticə olaraq, yediyimiz yeməkdən, tənəffüs etdiyimiz havaya qədər tam fərqli bir mühitdə yaşayırdıq.

Yaxşı uşaqlar, gecə ilə gündüzün necə yarandığını heç düşündünüzmü? Kosmosda hər yer qaranlıqdır. Halbuki kosmosun içindəki Dünyamızda gecə gündüzü, gündüz gecəni əvəz edir. Səhərlər hava işıqlanır, axşam olanda qaralır. Yaxşı, qapqaranlıq kosmosda Dünyamız səhər vaxtı necə olur ki, işıqlanır?

Bunun səbəbi Dünyamızın orbitində irəliləyərkən öz oxu ətrafında da fırlanmasıdır. Dünya öz oxu ətrafında fırlandıqca Günəşə tərəf gələn üzü işıqlanır.

Halbuki, Uran planeti öz orbitində yerdə yuvarlanan bir top kimi irəliləyir. Bunun nəticəsində Uranın bir tərəfi həmişə işıqlı, digər tərəfi isə həmişə qaranlıqdır.

Yaxşı, Dünyanın bir tərəfində davamlı gündüz, digər tərəfində davamlı gecə olsaydı, nə olardı? Şübhəsiz, belə bir vəziyyətdə insanların müəyyən yuxu saatı olmazdı. Hər kəs fərqli zamanlarda yatar, fərqli zamanlarda oyaq olardı. İnsanlar arasındakı əlaqələrdə problemlər yaranardı.

Təyyarə ilə həmişə qərbə doğru uçan bir sərnişin Günəş batmadığı üçün davamlı gündüzü yaşayır. Əgər Dünyamız öz oxu ətrafında fırlanmasaydı, biz də eynilə bu təyyarədəki sərnişin kimi gecəni heç vaxt görə bilməzdik.

Əvvəlcə, hər zaman gündüzü yaşadığımızı düşünək: Rahat yata bilərdikmi görəsən? Bundan başqa, yalnız gecə görə bildiyimiz Ayı və ulduzları heç vaxt görə bilməzdik.

Ya da davamlı qaranlığı yaşasaydıq, nə baş verərdi? Hər şeydən əvvəl, Günəşi, buludları, gündüz gözü ilə görə bildiyimiz gözəlliklərin heç birini görə bilməzdik. Məktəb saatlarımız necə olardı? Gecə qaranlığında məktəbə gedər və dərs fasilələrində qaranlıq havada bağçada oynaya bilərdikmi?

Yaşaya bilmək üçün həm qaranlığa, həm də işığa ehtiyacları olan bitkilər də qısa zamanda yox olardılar. Bu da həyatın sonu deməkdir!

Ancaq Rəbbimiz həyatımızı asanlaşdırmaq üçün gecəni və gündüzü yaratdı. O, bizim üçün gecəni və gündüzü yaradaraq, həyatımızı ən gözəl şəkildə nizama qoymuşdur. Quranda gecə ilə gündüzün yaradılış səbəbləri belə bildirilir.

Sizin üçün gecəni örtük, yuxunu rahatlıq, gündüzü də canlanma vaxtı edən Odur. (Furqan surəsi 47)

Gəlin düşünək, uşaqlar ... Orta hesabla hər gün yeni şeylər icad edilir, ya da yeni şeylər kəşf edilir. Halbuki, bunlar mövcud olanı anlamaqdan, ya da təqlid etməkdən başqa bir şey deyil. Düşünün ... Onlardan hansı böyük Dünyanı öz ətrafında döndərə bilər və beləcə, gecə ilə gündüzün meydana gəlməsini təmin edə bilər? Heç biri, elə deyilmi? Bunu yalnız göyləri, yeri və içindəkilərin hamısını yaradan Rəbbimiz edə bilər.

Ancaq bunu əsla unutmayın, uşaqlar. Allah gecəni və gündüzü yaratdığı kimi, istəsə onları geri də ala bilər. O zaman minlərlə çətinlik yaşayardıq, hətta bir az əvvəl də ifadə etdiyimiz kimi, həyatımıza davam edə bilməzdik. Quran ayəsində Allah’ın istəsə gecəni və ya gündüzü fasiləsiz davam etdirə biləcəyi belə bildirilmişdir:

…”Allah gecəni üstünüzdə Qiyamətə qədər uzatsa, Allah’dan başqa hansı məbud sizə bir işıq gətirə bilər? Məgər siz eşitmirsiniz?” (Qasas surəsi, 71)

…”Allah gündüzü üstünüzdə qiyamətə qədər uzatsa, Allah’dan başqa hansı məbud dincəldiyiniz gecəni sizə gətirə bilər? Məgər siz görmürsünüz?” (Qasas surəsi, 72)

Bəli uşaqlar, Allah’ın diləməsi xaricində, gecənin də, gündüzün də yaranmayacağını bu ayələrdən açıqca anlayırıq. Kainat və içindəki hər şey onları yaradan Allah’a məxsusdur.

Uşaqlar, əsla unutmayın! Siz də daxil olmaqla, hər şeyi qüsursuzca yaradan üstün və güclü olan Allah’dır.