Günəş, Günəş sistemindəki ən böyük göy cismidir. Çox isti və yanan bəzi qazlardan meydana gəlir. Buna görə də, səthində hər saniyədə milyonlarla atom bombası partlayışına bərabər gücdə partlayışlar olur. Bu partlayışlar zamanı Dünyamızın böyüklüyünün 40-50 mislində alovlar fışqırır.
Kainatdakı saysız-hesabsız göy cisimlərinin bir-birləri ilə toqquşmadan nizam içində hərəkət edə bilmələri, "orbitləri" nin Allah tərəfindən çox incə hesabla müəyyən edilməsi sayəsindədir. Planetlərin Günəşin ətrafında fırlanarkən izlədiyi yola "orbit" deyilir. Heç bir planet orbitindən qopub başqa istiqamətə doğru hərəkət edə bilməz. Çünki planetlər Günəşin cazibə qüvvəsinin təsirindədir. Düşünün, siz bu sətirləri oxuyarkən Dünyamız Günəş ətrafındakı orbitində saatda təxminən 108.000 kilometr sürətlə irəliləyir.
Planetlərin ulduzların ətrafında hərəkət edən göy cisimləri olduğundan daha əvvəl bəhs etmişdik. Bu hissədə Dünyamızın da içində olduğu Günəş sistemindəki planetləri araşdıracağıq. Günəş sistemini bir dairə kimi düşünsək, Günəş bu dairənin tam ortasında, yəni mərkəzindədir.
Günəş sistemindəki digər bəzi göy cisimləri də quyruqlu ulduzlar, göydaşları və meteroitlərdir. Bunlar, bundan təxminən 4 və ya 6 milyard il əvvəl, içində Günəş sisteminin də əmələ gəldiyi nebuladan geriyə qalan göy cisimləridir.
