Murad çox ağıllı və çalışqan şagirddir. Buna görə də, Muradın qardaşları onu çox sevir və ona oxuması üçün çoxlu kitab verirlər. Bir gün qardaşları Muradı zooparka apardılar. Murad ətrafa baxıb böyük bir quş görür və yanına gedib onunla danışmağa başlayır.

Murad: Salam! Mənim adım Muraddır, siz quşsunuz, elə deyilmi?

Dəvəquşu: Bəli, mən quşam. Böyüklüyümə və boyumun uzunluğuna görə insanlar məni dəvəyə bənzədirlər, ona görə də adımı dəvəquşu qoyublar. Dəvəquşular dünyadakı ən böyük quşlardır. Boyumuz təxminən 2,5 metr, çəkimiz isə 120 kiloqramdır.

Murad: Sən və qohumların bizim qonaqlarımızsınız, bəs sizin öz eviniz hardadır?

Dəvəquşu: Biz Orta Afrikada sürü şəklində yaşayırıq və heç vaxt uçmuruq. Amma Allah bizə düşmənlərimizdən qorunmaq üçün başqa xüsusiyyət vermişdir. Uzun ayaqlarımızla çox sürətli qaçırıq və o qədər cəldik ki, heç bir insan bizə çata bilmir. Biz, dəvəquşları, ən sürətli qaçan iki ayaqlı heyvanlarıq və 1 saatda təxminən 70 kilometr qaça bilirik. İndi sənə çox maraqlı bir şey deyim: Bizim hər ayağımızda yalnız iki barmağımız var, görürsənmi? Bu barmaqlarımızın biri digərindən çox böyükdür. Biz yalnız bu böyük barmaqların üstündə qaçırıq.

Murad: Çox maraqlıdır. Allah sizi çox fərqli yaradıb və ehtiyacınız olan hər şeyi sizə verib. Bəs ayaqlarınızdan başqa işləriniz üçün də istifadə edə bilirsiniz?

Dəvəquşu: Bəli, biz həm də güclü döyüşçülərik. Ayaqlarımızla təpik vurur və pəncələrimizlə düşmənlərimizə qarşı rahatca özümüzü qoruyuruq.

Murad: Yaxşı, sizin balalarınız necə dünyaya gəlir?

Dəvəquşu: Ən böyük quş biz olduğumuz üçün təbii ki, yumurtalarımız da çox böyükdür. Nəhəng yumurtalarımızı basdırmaq üçün qumda geniş dərə qazırıq və orada yerləşdiririk. Bir dəfədə 10-12 yumurta qoyuruq və dərənin böyüklüyünü də ona görə nizamlayırıq. Yumurtalarımızı da Allah`ın bizə öyrətdiyi şəkildə qumda basdırırıq.

Murad: Allah digər canlılar kimi sizi də ən uyğun formada yaradıb.

Dəvəquşu: Doğru deyirsən... İstəsən, dəvəquşları haqqında sənə daha ətraflı məlumat verim. Dişi dəvəquşları öz yumurtalarını qabıqların üzərindəki hava dəlikləri sayəsində ayırd edirlər.

Murad: Həqiqətən də, maraqlıdır. Bir çox yumurtaların arasında dişi dəvəquşunun bunu ayırd edə bilməsi ancaq Allah`ın sizə öyrətməsi sayəsində mümkün ola bilər. Bu məlumatlara görə çox təşəkkür edirəm. Bunlar Allah`ın yaradılış dəlilləri olduğu üçün insanın imanını artırır. Bir daha təşəkkür edirəm.