Allah`ın kainatı çox böyük bir partlama nəticəsində yaratdığını sizə daha əvvəl demişdik. Bu partlamanın ardınca bütün kainat, planetlər, ulduzlar, dünyamız meydana gəlmişdir. Dünyamız yarananda heç bir canlı yoxdu. Amma daha sonra Allah dünya üzərində bütün canlıları, quşları, böcəkləri, ağacları, çiçəkləri, balıqları, pələngləri, kəpənəkləri, filləri, zürafələri və digərlərini yaratmışdır.

Yaxşı, ilk canlılar nə vaxt yaranıb bilirsinizmi? Kembri dövrü adlanan və günümüzdən 500 milyon il əvvəl yaşanmış bir dövrdə. Bu dövrdə yaşamış ilk canlılar ilbiz, soxulcan və dəniz ulduzu kimi canlılardır. Kembri dövründə yaşamış canlılar da təkamül nəzəriyyəsinin yanlış olduğunu bizə göstərir. Necə, gəlin baxaq?

Kembri dövründəki bu canlılar birdən-birə ortaya çıxmışdılar. Onlardan əvvəl heç bir canlı yox idi. Bu canlıların birdən-birə ortaya çıxmaları onların Allah tərəfindən bir anda yaradıldıqlarını göstərir. Əgər təkamülçülərin iddia etdikləri kimi olsaydı, bu canlılar da özlərindən daha primitiv atalarından yavaş-yavaş təkamülləşərək o hala gəlməli idilər. Lakin bu canlıların özlərindən əvvəl yaşamış heç bir ataları, yəni atarının varlıqlarını göstərən ara-keçid növləri yoxdur. Fosillərdə belə ara-keçid canlıları yoxdur. Fosillər bizə göstərir ki, Kembri dövründə yaranan bu canlılar bütün digər canlılar kimi birdən-birə peyda olub, heç bir təkamül keçirməyiblər. YƏNİ ALLAH TƏRƏFİNDƏN YARADILIBLAR. Bundan başqa, Kembri dövründə yaşamış bu canlıların çox əhəmiyyətli xüsusiyyətləri vardı. Məsələn, o dövrdə yaşayan, lakin sonra nəsli tükəndiyi üçün bu gün bizim görə bilmədiyimiz TRİLOBİT adında bir canlı tapılmışdı. Trilobitlərin çox kompleks və mükəmməl gözləri vardı. Trilobit yüzlərlə pətəkdən ibarət idi və bu yüzlərlə pətək onun çox yaxşı görməsini təmin edirdi.

Sizcə, belə canlı bir anda təsadüfən peyda ola bilərmi? Məsələn, balaca qardaşınız yanınıza gəlsə və belə desə: "Dünən axşam stolun arxasında otururdum. Birdən birə önümdə ağcaqanad peyda oldu. Haradan gəldiyini bilmirəm, hər halda təsadüfən yarandı. Üstəlik, çox maraqlı pətəklərdən ibarət gözləri vardı. Amma hər halda bu da təsadüfən o anda meydana gəldi."

Təkamülçülərin yaşadıqlarını iddia etdikləri qəribə varlıqlar heç vaxt yaşamayıblar.

Belə bir vəziyyətdə nə fikirləşərsiniz? Hər halda, qardaşınızın kiçik olduğu üçün çox şeyi dərk etmədiyini deyəcəksiniz. Lakin nə qədər qəribə görsənsə də, təkamülçülər də bu canlıların birdən-birə dənizdə peyda olduqlarını söyləyirlər. Özü də, bugünkü ağcaqanadların sahib olduqları gözlərə onlar da sahibdirlər. Yəni təkamülçülər açıq-aşkar yalan danışırlar. Çünki qürurlarına görə özlərini və bütün varlıqları Allah’ın yaratdığını qəbul etmək istəmirlər. Bu gerçəyi örtbasdır edə bilmək üçün də dayanmadan yalanlar, xəyali ssenarilər, nağıllar uydurub insanları Allah’dan uzaqlaşdırmaq istəyirlər.

Yer üzündə yaşamış ilk canlılardan olan trilobitlər çox kompleks göz quruluşuna sahibdirlər. Belə qüsursuz gözlərinin olması onların Allah tərəfindən yaradıldıqlarını göstərən dəlillərlərdən biridir.