Günəş sistemimiz, Günəş, doqquz planet və bu planetlərin altmış bir ədəd peykindən ibarətdir. Bu planetlərin arasındakı boşluqda bir çox quyruqlu ulduz və meteorit olur. Bütün bu göy cisimlərinin ən böyüyü olan Günəş isə bütün Günəş sisteminin ürəyidir.

Günəş sistemimizin bir parçası olan bu doqquz planet, həm öz ətraflarında, həm də Günəşin ətrafında sıralanmış bir şəkildə davamlı fırlanırlar. Günəşə ən yaxın olandan ən uzağa doğru planetlərin adlarını sayaq: Merkuri, Venera, Yer, Mars, Yupiter, Saturn, Uran, Neptun və Pluton. Gördüyünüz kimi, Yer planetimiz Günəşə yaxınlıq sıralamasında üçüncüdür.

Günəş sistemindəki hər planetin fərqli xüsusiyyətləri vardır. Bunlardan bəzisinin temperaturu gülləni əridəcək qədər yüksəkdir. Bəzisi isə tamamilə buzlaqlarla örtülüdür. Bəzi planetlər tamamilə qazdan ibarətdir. Bəziləri isə Ay qədər kiçik planetlərdir.

Peyklərlə planetlər arasında çox uyğun əlaqə vardır. Planetlər peyklərini özlərinə doğru çəkirlər. Peyklər isə bu cazibəni tarazlayırlar. Əgər bu tarazlıq qurulmasaydı, peyklər planetlərə yapışar, ya da qopub gedərdilər.

Məsələn, Ay bir az daha yavaş fırlansaydı, sürətli bir şəkildə Yer kürəsi ilə toqquşardı. Bu isə Dünyanın sonu olardı. Daha sürətli fırlansaydı, bu dəfə də Yer kürəsindən getdikcə uzaqlaşar və artıq bizim peykimiz olmazdı.

Yolumuza Günəş sisteminin ürəyi olan Günəşi araşdıraraq davam edək.