Ulduzlar və planetlər kosmosdakı "Nebula (dumanlıq)" adlanan qaz və toz yığınlarının bir yerə gəlib sıxışması ilə meydana gəlirlər. Göy cisimlərinin mənbəyi olan nebulalar bu səbəbdən kainatda olduqca əhəmiyyətli yerə sahibdir. Nebulaların ulduzlar kimi öz işıqları yoxdur. Buna görə də, onları görmək çox çətindir. Ancaq içlərindəki qaz parıldadıqda ulduzlardan gələn işığı əks etdirir və ya işığın mənbəyinin qarşısına keçəndə görünürlər..

Ulduzlar ətraflarına istilik, işıq və enerji verirlər. Çox kiçik ulduzlar olduğu kimi çox böyük nəhəng ulduzlar da vardır. Bununla birlikdə, çox böyük olduğunu düşündüyümüz Günəş orta böyüklükdə bir ulduzdur və Günəşdən daha böyük ulduzlar vardır.

Yaxşı, ulduzların müəyyən bir müddət yaşadıqlarını bilirdinizmi? Bəli uşaqlar, ulduzlar canlı deyil, amma eynilə canlılar kimi doğulur, yaşayır və ölürlər.

Yuxarıda da bəhs etdiyimiz kimi, ulduzlar nebulalardan ibarətdir və onlar da canlı varlıqlar kimi yaşayırlar. Nəhəng bir ulduz həyatının sonuna gəldikdə isə şiddətli bir partlama ilə kosmos boşluğuna dağılır. Bu ulduzun dağılan parçalarından da daha kiçik ulduzlar və planetlər meydana gəlir. Günəş, Günəş sistemi içindəki planetlər və əlbəttə, bizim Dünyamız da çox qədim zamanlarda nəhəng bir ulduzun partlaması nəticəsində ortaya çıxmışdır.

İndi də Günəş sistemimizin qonağı olaq. Baxaq görək Günəş sistemi ilə bağlı nələr öyrənəcəyik.