Təkamülçülərin irəli sürdükləri saxta iddialardan biri də quşların meydana gəlməsi haqqındadır. Təkamülçülərin uydurduqları hekayəyə görə, ağaclarda yaşayan sürünənlər zaman keçdikcə budaqdan budağa tullanmağa başlamış və nəticədə qanadları çıxmışdır. Başqa hekayəyə görə, bəzi sürünənlər ağcaqanad ovlamaq üçün qabaq qollarını çırpa-çırpa qaçarkən qolları qanadlara çevrilmişdir.

Dinozavrın qaçarkən qanadının çıxdığı çox gülməlidir, elə deyilmi? Bu səhnələrə ancaq nağıllarda və filmlərdə rast gəlirik.

Bundan başqa, təkamülçülərin uydurduqları çox maraqlı bir hekayə də var. Təkamülçülər söyləyirlər ki, nəhəng dinozavrlar ağcaqanad tutarkən qanadları çıxıb. Bəs düşünmüsünüz ki, ağcaqanadlar necə uçur? Onun qanadları necə yaranıb? Nəhəng dinozavrların necə uçduğunu yalanlarla izah etməyə çalışırlar, onda bəs kiçik ağcaqanadların necə uçduğunu niyə izah etmirlər?

Təkamülçülər bunu açıqlaya bilmirlər. Çünki sizə daha əvvəl də izah etdiyimiz kimi, ağcaqanad dünyada ən yaxşı uçan canlılardan biridir. Saniyədə 500-1000 dəfə qanadlarını çırpa bilir. Bildiyiniz kimi, ağcaqanad istədiyi istiqamətdə cəld hərəkət edə bilir. Təkamülçülər nə qədər yalan danışsalar da, quşların qanadlarının necə yarandığını açıqlaya bilməzlər. Ağcaqanadın qanadlarının necə meydana gəlməsi isə ağıllarına belə gəlmir.

Təkamülçülərin düşünmək istəmədikləri doğru cavab budur: Qanadları və uçma qabiliyyətləri ilə birlikdə quşlar və ağcaqanadlar Allah tərəfindən yaradılmışdır.

Təkamülçülərin ara keçid növ kimi qəbul etdikləri Arxeopteriks əslində real bir quşdur!

İndi isə sürünənlərlə quşlar arasında yüzlərlə fərqdən bir neçəsini sizə izah edək:

1. Quşların qanadları, sürünənlərin isə ayaqları var.

2. Quşların tükləri, sürünənlərin isə pulcuqları var.

3. Quşların özlərinə xas skelet quruluşları var. Sümüklərinin içi boşdur və ağır olmadıqları üçün rahatlıqla uça bilirlər.

(Bunlar ağıla gələn bir-iki mövzudur. Bunlardan başqa, bu canlılar arasında bir çox fərq var.

Sizə dediyimiz kimi, əgər sürünən quşa çevrilibsə, bunu göstərən saysız heyvan qalıqlarına rast gələrdik. Biz fosillər arasında bu heyvanların da qalıqlarını görərdik. Yəni yarımçıq qanadlı, yarısı tüklü, yarısı pulcuqlu, yarımçıq dimdikli və ağızlı varlıqlar olardı. Amma tapılan bütün fosillər arasında belə bir varlıq yoxdur. Tapılan fosillər ya sürünənə, ya da quşa aiddir. Deməli, quşlar sürünənlərdən yaranmayıb. Bütün canlılar kimi quşları da Allah yaratmışdır.

Quşlar sürünənlərdən yarana bilməzlər. İkisi də çox fərqli canlılardır. Bu şəkildə sürünən və quş ayaqlarının fərqli olduğunu görə bilərsiniz.

Ancaq təkamülçülər bunu qəbul etmədikləri üçün yalan danışaraq insanları inandırmağa çalışırlar. Necə?

Hal-hazırda mövcud olmayan, təxminən 150 milyon il əvvəl yaşamış Arxeopteriks adlı quşun qalığını taparaq bu quşun yarı quş, yarı dinozavr olduğunu söyləmişdilər. Hətta " Arxeopteriks quşların atasıdır" demişdilər. Yəni bu onlara görə ilk quşa bənzəyən yarı dinozavrdır.

Ancaq bu böyük yalandır: ARXEOPTERİKS YALNIZ QUŞDUR!

Çünki;

1. Arxeopteriksin də uçan quşlar kimi tükləri var.

2. Uçan quşların qanadlarının birləşdiyi sinə sümüyü Arxeopteriksdə də mövcud olub.

3. Arxeopteriks quşların atası ola bilməz. Çünki ondan daha yaşlı quşların fosilləri tapılmışdır. Yəni Arxeopteriksdən əvvəl də quşlar yaşayıb.