Günəş, Günəş sistemindəki ən böyük göy cismidir. Çox isti və yanan bəzi qazlardan meydana gəlir. Buna görə də, səthində hər saniyədə milyonlarla atom bombası partlayışına bərabər gücdə partlayışlar olur. Bu partlayışlar zamanı Dünyamızın böyüklüyünün 40-50 mislində alovlar fışqırır.

Oddan bir topa bənzəyən Günəş səthindən çox böyük miqdarda istilik və işıq ayrılır. Əgər Günəş olmasaydı, hər zaman gecə olardı və hər yer buzla örtülü olardı. Ən əhəmiyyətlisi, daha əvvəl söylədiyimiz kimi, dünyada həyat, yəni biz mövcud olmazdıq. Çünki kosmos (kosmos filmlərindən də xatırlayırsınız) qaranlıq bir yerdir. Dünyamız da bu qaranlıq yerdəki bir göy cismidir. Bu qaranlıq yerin içində Dünyamızı Günəşdən başqa işıqlandıracaq və isidəcək bir göy cismi yoxdur.

Ancaq Günəşdən yayılan işıq çox parlaqdır. Havanın açıq olduğu bir gündə Günəşə baxmağa, yəqin ki, cəhd etmisiniz. Bir neçə saniyə baxanda gözləriniz qamaşır, elə deyilmi? Əslində, Günəşə, bu parlaq işığa birbaşa baxmaq çox təhlükəlidir. Gözlərimizə bu parlaq işıq zərər verə bilər. Bundan başqa, yayda uzun müddət Günəşin altında qalmaq da təhlükəlidir. Hətta, dərimizdə uzunmüddətli müalicəni tələb edəcək çox ciddi yanıqlar meydana gələ bilər. Çünki Günəşdən yayılan istilik, xüsusilə, yazda çox yüksək olur. Halbuki Günəş Dünyaya milyonlarla kilometr uzaqdadır və kosmosa yaydığı istiliyin yalnız mində ikisi Dünyamıza çatır.

Yaxşı, Günəşdən çox uzaqda olmasına baxmayaraq, Dünyamızda istilik bu qədər yüksələ bilirsə, görəsən Günəşin üzərindəki istilik nə qədərdir?

Elm adamları bu mövzuda təxmini rəqəmlər verə bilərlər. Amma bu istiliyi bildiyimiz hər hansı bir şeyin istiliyi ilə müqayisə edərək anlamaq mümkün deyil. Düşünün! Günəşin səthindəki temperaturun 6 min dərəcə olduğunu, içində isə temperaturun 12 milyon dərəcəyə qədər yüksəldiyini ... Bunu bildiyimiz nə ilə müqayisə edə bilərik? Əlimiz isti suda 50 dərəcədən çox qala bilməz. Ən isti yaz günlərində belə hava ən çox 40-50 dərəcəyə çatır. Bu nümunədən də anlayırıq ki, Allah Dünya ilə Günəşin arasındakı uzaqlıq məsafəsini ən uyğun şəkildə yaratmışdır. Günəş bizə bir az daha yaxın olsaydı, Dünya üzərindəki hər şey istidən qovrulub kül olardı. Ancaq bir az daha uzaqda olsaydı, bu dəfə də hər şey buza çevrilərdi. Təbii ki, hər iki şəkildə də həyat mümkün olmazdı.

Günəşin temperaturunun daha az olduğu qütb bölgələri daim buz təbəqəsi ilə örtülü olduğu halda, daha yüksək temperaturlu Ekvator bölgələri isə daim isti olur. Allah bu bölgələri bizlərə nümunə olsun deyə yaratmışdır. Digər yerlər isə canlıların həyatına ən uyğun şərtlərdə yaradılmışdır. Bu, Allah’ın bizə olan şəfqətini göstərir. Çünki Allah Günəş ilə Dünya arasındakı uzaqlığı hal-hazırkı kimi ən uyğun şəkildə yaratmasaydı, Dünyadakı həyat çox çətin olardı, hətta olmaya bilərdi.

Ancaq əvvəlki səhifələrdə də izah etdiyimiz kimi, Allah Günəşi və Ayı Dünyada həyatımızı rahatlıqla davam etdirə bilməyimiz üçün nizamla yaratmışdır. Bir Quran ayəsində Günəşin və Ayın Allah’ın əmri ilə hərəkət etdiyi belə xəbər verilir:

Gördüyünüz göyləri dirəksiz yüksəldən, sonra da Ərşə ucalan, müəyyən vaxta qədər (göydə) hərəkət edən günəşi və ayı (əmrinə) tabe edən Allah’dır. O, işləri yoluna qoyur və ayələrini (belə) izah edir ki, bəlkə Rəbbinizlə qarşılaşacağınıza yəqinliklə inanasınız. (Rad surəsi, 2)