Yağış yer üzünə müəyyən miqdarda yağır. Yağışdakı bu ölçü dövrümüzdə aparılan araşdırmalar nəticəsində müəyyən edilmişdir. Hesablamalara görə, yer üzündən bir saniyədə 16 milyon ton su buxarlanır. Bir ildə bu miqdar 505 trilyon tona çatır. Yenə hər il Dünyaya eyni miqdarda, yəni 505 trilyon ton yağış yağır. İşin maraqlı cəhəti isə bu miqdarın hər il eyni miqdarda olmasıdır, yəni heç dəyişməməsidir. Elm adamlarının yeni kəşf etdiyi bu həqiqəti Allah bizə bundan 1400 il əvvəl göndərdiyi Quranda belə bildirir:

Göydən lazım olduğu qədər su endirildi. Biz onunla ölü bir diyarı diriltdik. Siz də beləcə (dirildib) çıxarılacaqsınız. (Zuxruf surəsi, 11)

Dünyamıza hər il 505 trilyon ton yağış yağır. Bu miqdar hər il eynidir və heç dəyişmir. Bu vəziyyət Allah’ın hər şeyi müəyyən ölçü ilə yaratdığının nümunələrindən biridir.

Unutmayın uşaqlar! Bundan minlərlə il əvvəl heç kimin bilmədiyi bu məlumatın Quranda insanlara bildirilməsi Quranın bir möcüzəsidir və bu müqəddəs kitabın Allah tərəfindən göndərildiyinin dəlilidir. Quranda bundan başqa bir çox möcüzələr vardır.

Yer üzündəki həyatın davamı bəhs etdiyimiz suyun bərabər miqdarda buxarlanması və təkrar yer üzünə qayıtması, yəni "suyun dövriyyəsi" sayəsində təmin edilir. İnsan sahib olduğu bütün texnoloji imkanları istifadə etsə də, belə bir ölçünü süni olaraq yarada bilməz.Artıq hamınız yağışın yağmasındakı ölçüyə Allah’ın nəzarət etdiyini anlamısınız. Yoxsa yağış necə ola bilər ki, hər il eyni ölçüdə yağsın? Hamımızın bildiyi kimi, belə bir şey qətiyyən mümkün deyil. Allah bütün kainatın sahibidir. Hər şey ancaq Onun əmri ilə mövcud olur.

Yağış damlaları arasında gəzdikdən sonra, yağışın ardınca çıxan möhtəşəm gözəl rənglər arasında yolumuza davam edək.