Bu səfərimiz rəngarəng göy qurşağı ilə bağlı olacaq, yəqin ki, göy qurşağı görmüsünüz. Ən azından, kitablarda və ya televizorda onları görərsiniz. Əminik ki, göy qurşağının rəngləri və şəkli hamınızın çox xoşuna gəlir. Bəs bu rəngarəng göy tacının necə meydana gəldiyini heç düşündünüzmü? Bu ana qədər düşünməmisinizsə, bu başlığı oxuyanda yəqin artıq düşünmüsünüz. Elə isə, gəlin mövzumuza keçək.

Göy qurşağı Günəş şüalarının yağış damcısının içindən keçərkən 7 ayrı rəngə bölünməsindən ibarətdir. Göy qurşağı əslində kosmosdan baxanda bütöv dairə şəklindədir, amma biz Dünyadan yarısını görürük.

Göy qurşağı yağışdan sonra Günəşin görünməsi ilə birlikdə ortaya çıxır. Yeddi rəng tac kimi yarım dairə şəklində arxa-arxaya düzülür. Göy qurşağının bu halı çox heyrətamizdir.

Göy qurşağı əslində işıq yanılmasıdır. Göy qurşağı günəş işığının əsas rənglərini əks etdirir. Bəli, bizim ağ gördüyümüz günəş şüaları əslində rənglidir. Günəşdən gələn bu rənglərə əsas rənglər deyilir. Əsas rənglər: qırmızı, narıncı, sarı, yaşıl, açıq mavi, tünd mavi və bənövşəyidir. Günəş şüalarının ağ rəngi bu rənglərin birləşməsi ilə ortaya çıxır. Ancaq günəş şüası yağış damcısının içindən keçdiyi zaman əsl rəngləri ortaya çıxır, çünki su işığı qırır. Suyun işığı qırması nəticəsində rənglər ayrılır. Ayrılan rənglər yağış damcısının arxasından əks olunur və çölə əyilərək çıxırlar.

Əgər bunu başa düşmək çətin gəldisə, şüşə stəkan götürün və üzərinə güclü işıq salın. Burada su damcısının vəzifəsini şüşə yerinə yetirir. Görəcəksiniz ki, stəkana güclü işıq gəldikdə divarda kiçik göy qurşağı yaranacaq.

Uşaqlar, göy qurşağından bəhs edərkən həmişə yarım dairə deyirik, amma bu doğru deyil. Çünki göy qurşağı əslində bütöv dairə formasındadır. Lakin yerdən bu dairənin hər tərəfini görmürük, sadəcə göy qurşağını hər zaman yarım dairə kimi görürük. Təyyarədən isə bütöv dairə formasında görünə bilər.

Göy qurşağının çevrəsinin mərkəzi hər zaman Günəşin tam qarşısına düşən bir nöqtədədir. Günəş yüksəyə qalxdıqca göy qurşağı da düz Günəşin qarşısına gələcək şəkildə yuxarı çıxır.

Göy qurşağının bu rəngarəng, heyranlıq oyandıran görünüşü Dünyadakı gözəlliklərdən zövq almağımız üçün Rəbbimiz tərəfindən xüsusi yaradılmışdır. Allah sərhədsiz və bənzərsiz gözəllik yaratmağa qadirdir. Bu öyrəndiklərimiz Allah’ı daha yaxşı tanımağımıza və Ona daha çox şükür etməyimizə kömək edir.

Belə rəngbərəng səfərimizi yenə göz qamaşdıran gözəlliklə davam edək. Bu dəfə, gecələri səmada gördüyümüz və gözəlliyinə heyran olduğumuz kiçik bir göy cismini, Ayı araşdıraq.