Uşaqlar, Tural ilə birlikdə siz də sevimli qunduzlar haqqında məlumata sahib oldunuz. Gördüyünüz kimi, Turalın təzə yoldaşları anadangəlmə qabiliyyətlə çətin və mürəkkəb tikinti işləri görürlər. Qunduzlar Turalın bacısı kimi illərlə məktəbə gedib təhsil almayıb. Ancaq nə edəcəklərini çox yaxşı bilirlər. Çünki qunduzlara bütün bunları öyrədən üstün bir güc vardır. Bu güc hamımızı yaradan uca Allah`dır.

Unutmayın! Qunduz kimi bir canlı təsadüfən bənd inşa etmək qabiliyyəti qazana bilməz. Bədənini tam ehtiyacına uyğun hala gətirə bilməz. Su təzyiqinə qarşı ən möhkəm bənd formasını da öz-özünə tapa bilməz. Ən əhəmiyyətlisi də, bu qabiliyyətlərə başqa qunduzların da sahib olmasını təmin edə bilməz.

Heyvanlarla bağlı bir kitab oxuduqda, ya da filmə baxdıqda onları Allah`ın yaratdığını heç vaxt unutmayın.

Bir də bunu xatırladaq: Qunduzlar, bütün bu xüsusiyyətlərindən hər hansı biri əskik olsa, yaşaya bilməzlər. Nümunə olaraq dişlərini düşünək. Əgər heç sınmadan arxa dişləri də kəsici ön dişləri kimi dayanmadan uzansaydı, arxa dişlər həddindən artıq böyüyəcək, qunduzun çənəsini tərpətməsinə mane olacaq və ağzını istifadə edilməz hala gətirəcəkdi.

Bu vəziyyətdə qunduz necə ağac gəmirib bənd inşa edə bilər? Yuvasını hara qura bilər? Təbii ki, bunların heç birini edə bilməz və ağız quruluşuna görə yemək belə yeyə bilməz, dərhal ölər.

Qunduzun dişlərindən başqa bir çox orqanları da etdiyi işə uyğun şəkildədir. Su altında çalışarkən gözünün zərər görməsinin qarşısını alan şəffaf pərdələr, burnuna və qulaq içlərinə su girməsinə mane olan xüsusi qapaqcıqlar yalnız qunduzlara aiddir.Qunduzun su içində bir balıq kimi hərəkət etməsini təmin edən daraqlı arxa ayaqları, yastı, geniş və sərt quyruğu da var. Qunduzlar, bütün bunlara doğuşdan sahibdirlər.

İndi niyə Turalın kiçik yoldaşının xüsusiyyətlərinə heyran qaldığını daha yaxşı anlayırsınız.

Turalın kiçik yoldaşları doğulduqları ilk andan bəri bu bədən quruluşuna, bənd inşa edəcək məlumatlara və xüsusi qabiliyyətlərə malikdirlər. Bütün qunduzlar özlərinə Allah tərəfindən öyrədilən, yəni "ilham edilən" elmdən istifadə edərək yuvalar qururlar. Onlara bütün bunları verən və üstün qabiliyyətlə yaradan sonsuz güc sahibi Allah`dır.

Allah bütün canlıları ehtiyaclarına və etdikləri işlərə tam uyğun xüsusiyyətlərdə yaratmışdır.

Allah`ın şəfqəti bütün canlıları əhatə edir.Quran ayəsində Allah bizə belə deyir:

Sizin tanrınız yalnız Allah’dır ki, Ondan başqa ilah yoxdur. O, elm baxımından hər şeyi əhatə etmişdir. (Taha surəsi, 98)