Uşaqlar, yer qabığının altındakı maqma axıcı olduğu üçün çıxış yolu tapanda yer qabığını yararaq böyük partlayışla yer səthinə çıxır. Bu qorxulu hadisəyə vulkan, yaxud yanardağ partlaması deyilir. Quranda bu dəhşətli hadisədən belə xəbər verilir:

And olsun qayıdan göyə! And olsun yarılan yerə! (Tariq surəsi, 11-12)

Vulkan partlayışları Dünyamızın alov topu ilə dolu olduğunu göstərir. Əgər Dünyamız Allah’ın qoruması altında olmasaydı, bizlər hər gün bu vulkan partlayışları ilə qarşı-qarşıya qalardıq.

Yerin yarılması yolu ilə meydana gələn vulkan əvvəl səmaya tonlarla toz və kül püskürür. Beləcə, qapqara nəhəng bulud meydana gəlir və ardınca da maqma yer üzünə çıxmağa başlayır. Önünə çıxan hər şeyi; meşələri, şəhərləri silib süpürür.

Vulkanlardan yer üzünə axan maqmaya "lava" deyilir. Lavalar bir müddət sonra yerin üstündə soyuyaraq qayalara çevrilir.

Tarix boyu belə fəlakətlər nəticəsində məhv olan bir çox şəhər olmuşdur. Məsələn, miladdan sonra birinci əsrdə İtaliyanın o zamanlar ən zəngin şəhərlərindən biri olan Pompey qəfil püskürən Vezuvi yanardağının lavaları altında qalaraq yox olmuşdur. Üstəlik, bu hadisə elə ani olmuşdur ki, şəhər xalqının yerindən tərpənməyə belə fürsəti olmamışdır. Yanardağ lavaları sürətlə Pompey şəhərinə çatmış və şəhərdə yaşayanların hamısı lavaların altında qalaraq ölmüşdür.

Azğınlıqları, əxlaqsızlıqları və Allah’ın əmrlərinə qarşı gəlmələri ilə tanınan Pompey şəhərindən sağ qalan olmamışdır. Bu və buna bənzər hadisələr haqqında Quranda belə xəbər verilir:

Biz hər birini öz günahına görə yaxaladıq. Onlardan kimisinin üstünə (qasırğa ilə birgə) daşlar göndərdik, kimisini qorxunc səs yaxaladı, kimisini yerə batırdıq, kimisini də (suya) qərq etdik. Allah onlara zülm etmirdi, onlar ancaq əməlləri ilə özləri özlərinə zülm edirdilər. (Ənkəbut surəsi, 40)

Uşaqlar, bu ayədən anlaşıldığı kimi, Allah hər şeyə qadirdir və istəsə, yer üzündəki hər şeyi məhv edər. Allah’ın əzabından heç kim qurtula bilməz, ancaq Allah qullarına qarşı çox şəfqətli və mərhəmətlidir. Bu kitab boyunca da Allah’ın sonsuz şəfqətinin bir çox nümunəsini gördük. Bu hissədə haqqında danışdığımız yanardağ patlamalarının çox nadir olması da Allah’ın nemətlərindən biridir.