Tural: Bir də "bəndi yuvamızı qurmaq üçün inşa edirik" dediniz, qunduz bəy. Amma mən yuva görmürəm axı. Yalnız kötüklər var. Bəs yuvanız haradadır?

Erkək qunduz: Doğrudur. Yuvamızı çöldən baxaraq görməyin mümkün deyil. Bununla xüsusi məşğul oluruq ki, daha etibarlı olsun. Bəndi inşa edərkən bir tərəfdən də göl kənarında torpağa yaxın bir yerdə hazırlayırıq. Yuvaya üstdən baxanda taxta yığını kimi görünür. Amma bu səni heç aldatmasın, əslində içini çox yaxşı düzəltmişik. Əsasən bizim üçün təhlükəsizlik çox vacibdir. Buna görə də, yuvaya yalnız su altından girmək olur. Təbii ki, hər istəyən içəri asanlıqla girə bilmir. İçəri girmək üçün yalnız bizim bildiyimiz gizli tuneldən keçmək lazımdır.

Bu şəkli görüb heç də "suyun ortasındakı bu ağaclar nəyə lazımdır?" deyə düşünməyin. Bu şəkil qunduz yuvasının xarici görünüşüdür.

Tural: Çox gözəl. Eviniz ətrafı xəndəklə qazılmış qalaya bənzəyir. İçəri girmək demək olar ki, qeyri-mümkündür.

Erkək və dişi qunduz Turalın bu dediklərinə qəhqəhə çəkərək güldülər.

Erkək qunduz: Tuneli keçdikdən sonra gizli bir otaq çıxır. Bu otaq suyun üstündədir. Ailəmizlə birlikdə bu quru və təhlükəsiz otaqda yaşayırıq. Bəzən də yuvamızı iki mərtəbəli edirik. Birinci mərtəbə giriş və qonaq otağı, ikinci mərtəbə isə yemək və yataq otağıdır. Yuvalarımızın iki ayrı girişi, bir də üst tərəfdə hava təmizləyən kanalı var. Bununla həm xarici təhlükələrdən qorunuruq, həm də rahat bir yuvada yaşayırıq.

Tural: Bu möhtəşəmdir. Xaricdən yalnız kötüklər görünür. Çox ağıllı bir tənzimləmədir. Bir sualım da var. Bu gölün hündürlüyü nə qədərdir? Buradan baxanda çox yüksək görünür.

Erkək qunduz: Bəzən 3-4 metr olur. Əslində, yuvamızı qurmaq üçün bu qədər dərin suya ehtiyacımız yoxdur. Ancaq qış fəsli gələndə gölün üstündəki su donur və olduqca qalın buz təbəqəsi əmələ gəlir. Su kifayət qədər dərin olmasa, buz gölün dərinliyinə qədər irəliləyir və bütün göl buza çevrilir. Təbii ki, biz bu vəziyyətdə suyun içində hərəkət edə bilmirik. Buna görə biz də gölü mümkün olduğu qədər dərinləşdiririk. Qışda göl donsa da, buzun altında qalın su təbəqəsi qalır. Bu, hərəkət etməyimiz və qidalanmağımız üçün kifayətdir.

Böyük qardaşı: Gördüyün kimi, Tural, erkək qunduz və dişi qunduz nə etdiklərini çox yaxşı bilirlər. Gölün üstündə yuva qurmaq istəsək, bunların heç biri bizim ağlımıza gəlməzdi. Amma dostlarımız daha sonrakı günlərdə nələr olacağını düşünüb ona belə həll yolu tapırlar. Əlbəttə, bu qabiliyyətləri onlara verən, belə incəlikləri düşünmələrini ilham edən, edəcəkləri işləri onlara öyrədən Allah’dır.

Qunduzların yuvalarına su, altındakı xüsusi bir tuneldən daxil edilir. Bu tuneli yalnız qunduzlar tanıyır.

Turalın yadına yenə bacısı düşdü. Sizin də bildiyiniz kimi, bacısı tikinti mühəndisidir və inşaat mühəndisi olmaq üçün illərlə məktəbə getmiş və çox çalışmışdı. Tural bir gün bacısının otağına girmiş və istifadə etdiyi əşyalara baxmışdı. O günə qədər bacısının həmişə bina, körpü kimi şeylər çəkdiyini zənn edirdi. Ancaq tapşırıqlara baxanda çox çaşmış və heç bir şey anlamamışdı. Etdiyi şeylər çox əmək istəyən, çətin və mürəkkəb şeylər idi. Bacısının kağızında o qədər çox və iç-içə keçmiş xətt və rəqəmlər vardı ki, nəyin nə üçün olduğunu anlamamışdı. Bacısına bunların nə olduğunu soruşduqda bu şəkillərin nəticəsində bir binanın inşa ediləcəyini öyrənmiş və heyrətlər içində qalmışdı.

Qunduzlar çox ağıllıdır. Yuvaları zədə aldıqda dərhal bunu anlayır və soldakı şəkildə göründüyü kimi təmir edirlər.

Qunduzların nə qədər ağıllı olduqlarını qış üçün gördükləri hazırlıqdan da anlaya bilərik. Bütün yuva qar altında qalsa da, su buz tutsa da, qunduzlar əvvəldən aldıqları tədbirlərlə yuvalarında çox rahatdırlar.

Tural o günə qədər tikinti mühəndisliyinin bu qədər çətin bir iş olacağını heç düşünməmişdi. Bundan başqa, bacısı, öz etdiyinin yalnız işin dizayn hissəsi olduğunu söyləmişdi. Bundan sonrakı mərhələlər, digər işçilərə yönəldilir və lazımlı vəsaitlərlə binanı inşa edirlər.

Tural: Həqiqətən çox maraqlıdır. Evlərinizi eynilə mühəndis bacımın tikdiyi kimi əvvəldən təyin olunmuş bir plana uyğun tikirsiniz. Hər hərəkətinizdə çox böyük bir ağıl var. Bacımın o mürəkkəb hesablamalar içində gecələr necə çalışdığı yadıma düşür ...

Böyük qardaşı: Doğru deyirsən. Mənim də ağlıma Murad gəlmişdi. Qunduz dostlarımız həm Muradın etdiyi çətin işi edirlər, həm də tikinti işçilərinin işini. Bu da Allah`ın onlara verdiyi qabiliyyətlərin nə qədər heyrətamiz olduğunu göstərən başqa bir cəhətdir. Kiçik dostlarımız, bizim artıq düşərgəyə qayıtmaq vaxtımız gəldi. Hər şey üçün sizə təşəkkür etmək istəyirəm. Tural düşündüyü bütün sualların cavabını tapdı. Artıq sizinlə sağollaşmaq məcburiyyətindəyik.

Tural: Mən də sizə təşəkkür etmək istəyirəm. Sizinlə söhbət etməkdən çox böyük zövq aldım. Ancaq sağollaşmaq istəmirəm, çünki burada qaldığımız günlər ərzində icazə versəniz sizi tez-tez görməyə gəlmək istəyirəm.

Erkək və dişi qunduz Tural ilə sağollaşdı. Təbii ki, istədiyin vaxt gələ bilərsən. Yuvamızın tamamlanmış halını da görərsən. Hələlik.

Tural sevimli qunduzların etdiklərinə heyran qalmışdı. Suallarının cavabını almışdı və bütün öyrəndiklərini izah etmək üçün dərhal düşərgəyə qayıtmaq istəyirdi.