Ay Dünyamızın ətrafında fırlanan bir top kimidir. Gecələri hava buludsuz olduğu zamanlarda Ay qapqaranlıq səmada parlaq görünür. Ancaq bu işıq Ayın öz işığı deyil, çünki Ayın özünə aid bir işığı yoxdur. O yalnız Günəşdən gələn şüaları bir güzgü kimi ətrafına əks etdirir. Beləcə, səmaya asılı böyük bir işıq kimi görünür. Ayın bu xüsusiyyəti Quranda belə xəbər verilir.

"... Aydınlıq və nurlu bir ayı var edən Allah nə ucadır." (Furqan surəsi, 61)

Bizlər Ayın həmişə eyni üzünü görürük. Çünki Ay həm öz ətrafında, həm də Dünyanın ətrafında 29 günə dövr edir. Hər ikisində də dönüş müddəti eyni olduğu üçün bizə həmişə eyni üzü rast gəlir.

Digər tərəfdən, gecə səmaya baxanda Ayı bəzən dairəvi, bəzən yarım dairə şəklində görürük. Bunun səbəbi Dünya ətrafında fırlandıqca, Ayın işıqlı olan üzünün fərqli formalara düşməsidir.

Dünya və Ay bir-birini cəzb edir, amma Dünyanın cazibəsi Ayın cazibəsindən 6 dəfə böyükdür. Buna baxmayaraq, Ayın cazibəsi Dünyaya təsir edir. Bu, okeanlarda və dənizlərdə "qabarma" deyilən bir hadisəyə səbəb olur. Su səviyyəsi sahillərdə bir müddət azalıb, sonra əvvəlki halına qayıdır. Əgər Ayın cazibə qüvvəsi daha şiddətli olsaydı, qabarmalar su səviyyəsinin həddindən artıq azalıb, yüksəlməsinə səbəb olardı. Belə bir vəziyyət qarşısında dənizə yaxın bölgələri həmişə su basardı.

Ancaq qabarma hadisələrində sular əsasən həddindən çox qalxmır. Çünki Rəbbimiz Ayı və Yerin cazibə qüvvəsini bizim həyatımız üçün ən uyğun şəkildə yaratmışdır.