Əvvəllər insanlar səma haqqında çox az biliyə malik idilər. Çünki səmanı araşdırmaq üçün lazımi vasitələr indiki kimi inkişaf etməmişdi, buna görə də, insanların kainatın necə meydana gəlməsi ilə bağlı müxtəlif düşüncələri var idi. Bunların ən gülməlisi isə kainatın sonsuzdan bəri mövcud olduğu düşüncəsi idi. Yəni səma kifayət qədər araşdırılmazdan əvvəl bəzi məlumatsız insanlar kainatın başlanğıcı olmadığını, həmişə mövcud olduğunu söyləyirdilər.

Halbuki, bu çox məntiqsiz bir düşüncə idi! Düşünün ki, evinizin və ya məktəbinizin inşa edildiyi tarix var, hətta bu an oxuduğunuz bu sətirlərin belə müəyyən yazılma tarixi var. Eyni şəkildə, ananızın, atanızın və təbii ki, sizin də bir doğum tarixiniz var. Deməli, canlı, ya da cansız, hər şey müəyyən bir tarixdə ortaya çıxır. Bunun üçün "kainatın ortaya çıxış tarixi yoxdur, o onsuz da həmişə vardı" deyə düşünmək çox ağılsız fikirdir.

Bu mövzunu daha yaxşı anlamanız üçün belə bir nümunə verək: Səhər məktəbə gedərkən fərqli bir yoldan getdiyinizi və yol üstü bir heykəl ilə qarşılaşdığınızı düşünün. Nə fikirləşərdiniz? "Bir heykəltəraş bu heykəli yaratmış və bura yerləşdirmişdir" deyərsiniz, elə deyilmi? Bəs bir yoldaşınız desə ki,"xeyr, bu heykəl həmişə burada idi, onu kimsə yaratmayıb, hər zaman burda dayanırdı" nə reaksiya verərdiniz? Hər halda yoldaşınızın çox axmaq olduğunu, hər sənət əsərinin mütləq bir sənətkarı olduğunu söyləyərsiniz, ele deyilmi?

O halda, kainatın sonsuzdan bəri mövcud olduğunu söyləyənlər heykəlin həmişə mövcud olduğunu söyləyən yoldaşınızdan daha çox məntiqsiz düşünürlər. Çünki heykəl bir qaya parçasının şəkilləndirilmiş halıdır. Kainatın içində isə bu qaya parçası ilə əsla müqayisə edilə bilməyəcək qədər saysız-hesabsız göy cismi, daha çox sistem və fövqəladə tarazlıqlar vardır.

Kainatın sonsuzdan bəri mövcud olduğu düşüncəsinin yanlış olduğu səma tədqiqatları nəticəsində daha da aydın oldu. Çünki bu araşdırmaların nəticəsində hər şey kimi kainatın da bir başlanğıcı olduğu ortaya çıxdı.

Kainatın bir doğum günü olduğunu sübut edən ilk şəxs Edvin Habl (Edwin Hubble ) adlı bir astroloqdur. (Onsuz da bilirsiniz, amma yenə də xatırladaq: astroloq səmanı, kosmosu tədqiq edən insanlara deyilir.) Hablın nəhəng bir teleskopu var idi. 1929-ci ildə hər zamanki kimi nəhəng teleskopu ilə səmanı araşdırdığı zaman ulduzların hərəkət etdiyini gördü.

Bunlar adi hərəkətlər deyildi. Çünki ulduzlar dayanmadan bizdən uzaqlaşırdılar, hətta ulduzlar bir-birlərindən də uzaqlaşırdılar. Hər şeyin bir-birindən uzaqlaşdığı bir kainat isə dayanmadan genişlənən bir kainat demək idi.

Bu əsrə qədər insanlar bu həqiqəti bilmirdilər. Lakin bu gün ulduzların bir-birlərindən və Yer kürəsindən uzaqlaşdıqlarını bütün elm adamları söyləyir.

Ulduzların bu hərəkəti kainatın yaradılışı ilə bağlı çox əhəmiyyətli bir məlumatdır. Çünki ulduzların bir-birindən dayanmadan uzaqlaşmaları, başlanğıcda hamısının bir yerdə olduğunu göstərir. Elm adamları bundan təxminən 15 milyard il əvvəl kainatın bütün maddəsinin iynə ucu qədər kiçik bir nöqtədə sıxılmış olduğunu hesabladılar. Bu nöqtənin partlaması və kosmosa dağılması nəticəsində bugünkü kainat ortaya çıxmışdı.

İndi bura qədər izah etdiyimiz məlumatı cərgə ilə alt-alta yazaq:

- Birincisi, ulduzlar dayanmadan hərəkət edirlər;

- İkincisi, ulduzlar bizdən uzaqdırlar;

- Üçüncüsü, vaxt yavaş-yavaş geriyə alınsa, ulduzlar bir-birlərinə yaxınlaşar. Bu geri qayıdış bütün kainatın tək bir nöqtədə birləşəcəyinə qədər davam edər.

Bir az da geriyə getsək, bu nöqtə də yox olur, yəni kainat heç yox ikən var olmuşdur. Allah tərəfindən yaradılmışdır.

Yoxluğun necə bir şey olduğunu aşağıdakı üç sadə suala cavab verərkən asanca anlaya bilərsiniz.

1 - Bir il əvvəl neçə yaşındaydım?

Mütləq indiki yaşınızdan bir yaş kiçik olduğunuzu söyləyərsiniz.

2 - Hal-hazırdakı yaşınızdan bir-bir geri saysanız, ən son hansı yaşınızı söyləyərsiniz?

Hamınız "bir" deyərsiniz. Lakin bu sizin doğulduğunuz andan bir il sonrakı yaşınızdır. İlk doğulduğunuz anda isə hələ bir yaşınız yox idi, bu isə sıfır yaş olaraq ifadə edilə bilər.

3 – Doğulduğunuz zamandan bir il əvvəli düşünün! O zaman neçə yaşında idim və harada idim?

Əgər günümüzdən geriyə doğru getsək, daha sizin heç dünyaya gəlmədiyiniz ana qədər, bu şəkil kadrları tərsinə düzülmüş şəkildə davam edər.

Bu suala "O zaman mən yoxdum" kimi cavab verərdiniz.

Doğru cavab da ananız sizə hələ hamilə qalmadan əvvəlki zamanlarda yox olduğunuzdur.

Yaşınızla birlikdə bədəniniz üçün də eyni geriyə sayma əməliyyatını aparsanız, nəticədə bədəninizin də yox olduğunu görərsiniz. Geri qayıtdığınız hər bir yaşla birlikdə bədəniniz də kiçilər. Bədəniniz kiçildikcə ananızın bətnindəki halınıza geri qayıdarsınız. Ananızın bətnində də kiçilmə davam edər və ən sonda ananızın sizə hamilə olmadığı zamana çatarsınız.

Bax kainat da eyni sizin kimi Allah tərəfindən yaradılmamışdan əvvəl yox idi. Vaxtı geri alsaq kainatın də yaşı kiçilir. Sizin kimi bir yerə qədər kiçilir və ən sonda yox olur. Bu halda, kainatın ortaya çıxması onun "yaradılması" deməkdir.

Onu da xatırladaq ki, bir şeyin yox ikən var olduğunu izah etmək üçün "yaradılış" sözündən istifadə edilir. Hər hansı bir şeyi yoxdan var edə bilən, yəni "yaradan" yalnız Allah’dır. İnsanlar da daha əvvəllər mövcud olmayan şeylər yarada bilərlər. Məsələn, ortada bir şəkil yox ikən şəkil yarada bilirlər, ya da gəmi yox ikən gəmi inşa edə bilirlər. Amma insanlar Dünyadakı mövcud imkanlarla, daha əvvəl nümunələrini gördükləri şeyləri edə bilərlər. Bu isə yaratmaq deyil. Yaratmaq bir şeyi yoxdan, nümunəsiz olaraq meydana gətirməkdir. Kainatdakı hər şeyi və təbii ki, kainatın içindəki Dünyamızı da Allah nümunəsiz olaraq yaratmışdır.

İnsan isə bir az əvvəl dediyimiz kimi, bir şəkil yaradarkən belə Allah’ın yaratdıqlarını nümunə götürür. Məsələn, sizdən bir mənzərə rəsmi çəkməyinizi istəsək, kağıza nələr çəkərsiz? Böyük ehtimalla, Günəş, dağ və bir neçə yaşıl ağac, yaxud göy qurşağı, ya da dəniz şəkili çəkərsiniz. Bəs indi düşünün! Heç ağac görməsəydiniz, ağac rəsmi çəkə bilərdinizmi? Xeyr, qətiyyən çəkə bilməzdiniz, ya da anadangəlmə kor olan birini düşünün, Günəşin dairəvi olduğunu bilməsi üçün birinin bunu deməsi lazımdır. Çünki görmədiyi bir şeyi bilməsi qeyri mümkündür.

Uşaqlar! Gördüyümüz kimi, nümunəsiz yaratmaq yalnız Allah’a məxsusdur. Allah’ın bütün insanlara yol göstərici olaraq endirdiyi müqəddəs Quranda bu həqiqət belə xəbər verilir:

(Allah) göyləri və yeri yoxdan yaradandır ... (Ənam surəsi, 101)

Uşaqlar indi növbə Allah’ın kainatı necə yaratdığını öyrənməyə gəldi. Əminik hamınız belə böyük bir hadisənin necə reallaşdığı ilə maraqlanırsınız.