Kainatın milyardlarla il əvvəl, tək bir nöqtə olduğunu artıq bilirsiniz. İndi sıra bu kiçik nöqtənin necə bir anda böyüdüyünü öyrənməyə gəldi.

Bilirsiniz ki, cizgi filmlərində qəhrəmanın həmişə bir düşməni olur. Bu düşmən filmin qəhrəmanını məğlub etmək üçün müxtəlif yollara müraciət edir. Tez-tez müraciət etdiyi üsullardan biri isə dinamit istifadə etməkdir. Məsələn: sevimli dovşan Baqz Baninin yuvasına, yaxud da sürətli dəvə quşu Road Runnerin keçdiyi yollara düşmənləri həmişə dinamit qoyurlar. Sevimli qəhrəmanlar bu dinamitlərdən böyük məharətlə xilas olurlar.

Bəli, indi bu partlamalardan birini təsəvvür edin. Məsələn: Baqz Banini tutmaq istəyən ovçunun Baninin torpağın altındakı yuvasına dinamit qoyduğunu düşünün! Dinamit partlayanda nə baş verər? Yerdən yuxarı doğru dörd bir tərəfə torpaq parçaları səpələnər, ele deyilmi? Partlayışdan əvvəl bu torpaq parçaları bir yerdə idi. Lakin partlayışdan sonra torpaq kiçik parçalar halında ətrafa dağılar və hissələr bir-birlərindən uzaqlaşar.

Uşaqlar, kainat da milyardlarla il əvvəl belə bir partlayışla ortaya çıxdı. Partlayışla parçalar meydana gəldi. Bu hissələr torpaq parçalarının ətrafa dağılması kimi bir-birlərindən uzaqlaşaraq dağılışdılar. Kainatı və içindəki göy cisimlərini meydana gətirməyə başladılar.

Kainatın Allah tərəfindən yaradılışının başlanğıcı olan bu partlayışa Big Bang (Böyük Partlayış) adı verildi. Bu böyük partlama ilə kainat o andan etibarən durmadan böyüməyə və genişlənməyə başladı və hələ də genişlənməyə davam edir.

Şişirilən bir şarın üzərindəki kiçik nöqtəciklər şar şişdikcə bir-birindən necə uzaqlaşırsa, kainatdakı göy cisimləri də ilk partlamanın təsiri ilə bir-birlərindən belə uzaqlaşmışdırlar.

İndi digər yeni bölməyə keçmədən əvvəl bura qədər öyrəndiklərimizi yada salaq.

1 - Uzun illər əvvəl kainat deyə bir şey yox idi;

2 – Kainat tək bir nöqtənin partlaması ilə yarandı;

3 - partlayışla kainatımızdakı cisimlər ortaya çıxdı və bir-birlərindən uzaqlaşmağa başladılar;

4 - Kainatdakı cisimlərin bir-birindən uzaqlaşması ilə kainat genişlənir.

Bütün bunlar Allah’ın sonsuz güc və qüdrətinin dəlilləridir. Dünyadakı bütün insanlar bir yerə gəlsə, kainatın kiçik bir bənzərini belə yarada bilməzlər. Dünyadakı bütün vəsaitlərdən istifadə etsək belə Big Bang kimi partlayış meydana gəlməz. Deməli, güc bütün bunlara qadir olan Allah’ındır. İndi növbəti mövzunu oxuduqda Allah’ın gücünün və ağlının sonsuz olduğunu daha yaxşı anlayacaqsınız.