Düşərgədəki ilk gün hər zamanki kimi keçmişdi. Ailəsi ilə birlikdə çadırlarını qurdular və əşyalarını yerləşdirdilər. Bütün bunları edənə qədər də axşam oldu. Tural ətrafa nəzər salmaq üçün səhəri gözləməyə məcbur oldu.

Tural ilk dəfə idi ki, düşərgəyə gəlirdi. Ətrafı tanımaq üçün səhər tezdən oyandı, atasını oyatdı və ikisi birlikdə yola düşdülər. Hər yer böyük ağaclarla örtülmüşdü. Meşənin kənarında çox gözəl və rəngarəng çiçəklərin əhatəsindəki gurultulu şəlalə ilə qarşılaşdılar.

Şəlalənin səsinin cəh-cəh vuran quşların səsindən belə güclü olması Turalı çox heyrətləndirdi. Gördüyü bu mənzərəyə heyran qaldı, bir müddət burada vaxt keçirdilər. Ancaq vaxt xeyli gec olduğu üçün atası düşərgəyə qayıtmaq vaxtının gəldiyini söylədi və yenidən yola düşdülər.

Düşərgədə bacısına, böyük qardaşına və anasına gündüz kəşf etdikləri möhtəşəm mənzərədən və şəlalədən böyük həyəcanla danışdı. Onlar da ertəsi gün mütləq Orxanla birlikdə gedəcəklərini söylədilər. Onlar da bu güclü su səsinin haradan gəldiyini öyrənmək istəyirdilər.

Səhəri gün bacısı və böyük qardaşı ilə birlikdə ətrafı seyrə çıxırlar. Şəlalənin kənarına gəldikdə Tural su kənarında dünən gördükləri ağacların kəsildiyini gördü. Böyük ağacların yalnız kökləri qalmışdı. Tural bunu kimin və niyə etdiyini düşündü, birdən bacısı Turalı çağırdı:

"Tural, bax, suyun üzərində ağac kötükləri var."

Suyun ortasında bu ağac yığınının niyə dayandığı sizi də düşündürür, elə deyilmi? Saytı oxumağa davam edin.

Öyrəndikləriniz həm sizi təəccübləndirəcək, həm də çox xoşunuza gələcək.

Tural çox hirsləndi və niyə belə etdiklərini düşündü. Ətrafda da heç kəs yox idi. Həmin gün su kənarında bir az vaxt keçirdikdən sonra düşərgəyə geri qayıtdılar.

Tural və qardaşları hər gün su kənarına baş çəkirdilər. Amma hər gün bir az daha maraq içində düşərgəyə geri qayıdırdılar. Çünki hər gün daha çox ağacı su üzərində üst-üstə düzülmüş olaraq görürdülər. Bundan başqa, ağaclar budaqlarından çox ehtiyatla kəsilmiş, budaqlar və kötüklər üst-üstə xüsusilə qoyulmuşdu.

Şəlalənin güclü səsi də azalmış və kiçik göl yaranmağa başlamışdı. Tural bu hadisələrin təsadüfi olmadığını düşünməyə başlamışdı. Sanki kimsə bir məqsəd uğrunda hər gün gəlib şəlalənin kənarında böyük səylə çalışırdı. Bəs bu əsrarəngiz insan kimdir?

Tural bu hadisələri anlamaq üçün bir plan qurdu. Şəlalənin kənarına səhər erkəndən səssizcə getməyi planladı. Beləcə, bütün bunları edəni tapacağını düşündü. Planını böyük qardaşına söylədi və özü ilə gəlməsi üçün onu razı saldı. Səhər tezdən Turalın planını həyata keçirməyə başladılar.